點先可以輕鬆搬屋？Cube幫到你！
創建一個文件夾收納一切有用文件與聯絡資料
你所選的迷你倉公司資料和合約對你非常重要。將所有詳細資料印出嚟，或者準備一個電子副本，當需要管理或者追蹤資料時就會更方便。除此之外，你仲要準備相關包裝物料公司同埋運輸公司嘅資料。不妨記低幾個迷你倉公司名，比如Cube方快存迷你倉，不單可以幫你處理晒存取交收程序，仲可以供應埋包裝物料比你添。
準備包裝工具和合適的儲存箱
如果你識得搵儲存箱，仲識預備多幾個後備用箱，咁真係要俾個「叻」你。更重要嘅係，用邊種尺寸嘅儲存箱，運送起來更加方便就手？最簡單，細箱裝重物（前提係尺寸一定要啱用）。如果係用來裝書同文件，你可能要用個細啲嘅箱，而又大件又輕嘅物品，先好用大箱。若果你準備收納衣物但又唔想摺埋塞入個紙皮箱箱，其實你都可以用個特製嘅衣櫥箱（Wardrobe Box）將啲衫掛起再封箱，咁就唔怕整皺啲靚靚衫啦！
妙用舊衫／舊毛巾
氣珠紙和消毒紙巾可以保護箱入面嘅物品免受損壞，而且又便宜又方便。其實，舊衫甚至舊毛巾可以代替氣珠紙發揮同樣作用。如果咁啱呢堆舊衫舊毛巾你都係想裝箱的話，簡直係一石二鳥。
裝箱時記得留充足嘅作業空間
如果裝裝下箱唔夠位轉身，仲要撞親個頭，你話幾慘慘豬呢。裝箱時切記要留空間俾自己啦！包裝工具如膠紙、界刀、氣珠紙以及包裝箱等，應集中放喺接近你嘅地方。可以的話，作業位置最好設在準備存倉物件嘅旁邊，方便搬來搬去。
要識分輕重！
方才都介紹過，包裝箱大小視乎你需要包裝的物件重量。不過有時你係要將同一類物品裝入同一個箱，有輕有重，點算呢？呢個時候，較重的物件通常置箱底會較好，上面再放較輕的物件，避免遭重物擠壓受損。如此一来，包裝時你已經決定咗「正面朝上」嘅方向，咁就唔使搬屋嘅哥哥仔估估下，上下顛倒啦！
用顏色貼紙分類
無論你執緊一間房定係十間房嘅物品，你都可以通過用貼紙或顏色紙分類，到你需要到倉尋找物件時就會輕鬆好多。可以用顏色貼紙甚至係用箱頭筆都標示箱面，通常兩樣一齊用效果更佳。記住記號要標在全部箱面，到入倉搵箱嘅時候，無論你喺邊個位置睇都一目了然。
影相記錄
搞掂所有包裝之後，屋企所有電器已經係斷電斷纜，一片狼藉。不妨事前用相機影低家居原貌，甚至可以拍埋短片，短片入面你可以做埋旁述，之後就有根有據，想將屋企「還原靚靚」都容易好多。將瑣碎物件如網線同螺絲之類放入一個細袋，日後再執屋就唔使左搵右搵啦。
掌握倉存資訊
正所謂，「人類總要重複同樣的錯誤」，每次明明覺得預備已經好夠，總要到最後一刻先發現仲有好多嘢未入箱。呢個時候，你選用的運輸同存倉有無件數限制就好重要，因為你隨時都需要調整。如果你已經有好多唔同顏色分類的裝箱紀錄，就有必要整理出一個目錄，方便以後用來管理倉存。
請記錄以上8條秘技，然後同你所選迷你倉公司有關的文件放埋一齊。以後要查閱就更加方便啦。
我哋係Cube方快存迷你倉，祝你一切順利！